նախընտրելի դարձնել
Գործող գլոբալ առեւտրային համակարգը պահանջում է Միացյալ Նահանգների «լիարժեք եւ ակտիվ մասնակցություն»: Այս մասին հայտարարել է Առեւտրի համաշխարհային կազմակերպության գլխավոր տնօրենի տեղակալ Ալան Վոլֆը, հայտնում է Reuters-ը:
«Չնայած համակարգում այժմ մեկից կամ երկուսից ավելի հիմնական խաղացողներ կան, այն չի կարող լիարժեք գործող բազմակողմանի առեւտրային համակարգ լինել առանց Միացյալ Նահանգների լիակատար եւ ակտիվ մասնակցության, ոչ այժմ եւ ոչ էլ տեսանելի ապագայում»,- ասել է Վոլֆը:
Նա նշել է, որ ԱՀԿ-ի լրացուցիչ կանոններն անհրաժեշտ են առեւտուրը խեղաթյուրող արդյունաբերական սուբսիդիաների խնդրի լուծման համար՝ վկայակոչելով Չինաստանի եւ ոչ շուկայական տնտեսություններով այլ երկրների սուբսիդիաները: «ԱՀԿ անդամները չպետք է հրաժարվեն առեւտրից՝ հավասար պայմաններ ապահովելու համար: Շուկայական ուժերը, այլ ոչ թե կառավարության միջամտությունը, պետք է որոշեն շուկայում մրցակցության արդյունքները»,- ասել է Վոլֆը:
