ՀՀ ԶՈՒ 5-րդ զորամիավորման հատուկ նշանակության ստորաբաժանումների զինծառայողները նախօրեին՝ մարտի23–ին, անցկացրել են մասնագիտական պարապմունքներ։ Այս մասին տեղեկանում ենք ՊՆ կայքից։

«Մշակվել եւ իրականացվել են անհատական եւ խմբային հետախուզական եւ քողարկման վարժանքներ, ներդաշնակվել են հարձակման եւ շրջանաձեւ պաշտպանության ընթացքում զինծառայողների գործողությունները: Ըստ խաղարկված սցենարի՝ հատուկ նշանակության խումբը ներթափանցել է պայմանական հակառակորդի տեղակայման վայր, ոչնչացրել կենդանի ուժն ու զբաղեցրել նպաստավոր դիրքեր»,– ասվում է հաղորդագրության մեջ։