նախընտրելի դարձնել
Ավստրալիայի իշխանությունները հետաքննություն են սկսել երկրի խոշորագույն բանկերից մեկի նկատմամբ` փողերի լվացման եւ ահաբեկչության ֆինանսավորման ազգային օրենքների լուրջ խախտումների համար: Երկուշաբթի Ազգային ավստրալիական բանկի (NAB) տվյալներով` գործարքների պետական հաշվապահական հաշվառման եւ վերլուծության կենտրոնը (AUSTRAC) խախտումներ է հայտնաբերել բանկի հաճախորդների ինքնությունը պարզելու եւ նրանց ֆինանսական գործունեության վերլուծության ոլորտում:
«Ավստրալիայի ազգային բանկ» AUSTRAC-ից հայտնել են, որ լուրջ խնդիրներ են հայտնաբերվել փողերի լվացումը եւ ահաբեկչության ֆինանսավորումը կարգավորող ազգային օրենքների պահանջների կատարման հարցում: Կարգավորողի խոսքով` բանկի հաճախորդների ինքնությունը պարզելու կարգի մեջ կան զգալի թերություններ, որոնք հաճախորդներին թույլ են տալիս [շրջանցել] օրենսդրությունը»,- ՏԱՍՍ-ին հայտնել են ֆինանսավարկային կազմակերպության մամուլի ծառայությունից:
NAB-ը նշել է նաեւ, որ համապատասխան բանկային ծառայություններն ակտիվորեն համագործակցում են AUSTRAC-ի հետ` հնարավոր խախտումները հետաքննելու հարցում եւ պատրաստ են ձեռնարկել բոլոր անհրաժեշտ միջոցները` դրանք հնարավորինս շուտ վերացնելու ուղղությամբ: «NAB-ն լուրջ են վերաբերվում ֆինանսական հանցագործության դեմ պայքարի իր պարտականություններին եւ քաջ գիտակցում է, որ այդ ուղղությամբ ջանքերն անհրաժեշտ է ուժեղացնել: Մենք աշխատում ենք [բանկի անվտանգության համակարգերը] բարելավելու ուղղությամբ, եւ ակնհայտ է, որ այս ուղղությամբ ավելին պետք է անենք»,- հայտնել է NAB-ի գործադիր տնօրեն Ռոս Մաքեւանը:
Հայտնի է, որ Ավստրալիայի ֆինանսական կարգավորիչը նմանատիպ ծանուցումներ է ուղարկել նաեւ Crown Resorts-ին, որը Ավստրալիայում եւ Մեծ Բրիտանիայում հյուրանոցների եւ խաղատների ցանցեր ունի, եւ Նոր Զելանդիայում և Ավստրալիայում SkyCity խաղային և զվարճանքի ընկերություն: Այս փուլում կարգավորիչը չի հաղորդել այն կազմակերպությունների դեմ հնարավոր պատժամիջոցների մասին, որոնց գործունեությունն ընկել է հետաքննության շրջանակներում:
