Կառավարությունն իր այսօրվա՝ փետրվարի 17-ի նիստում որոշեց ԿԳՄՍՆ 2022 թվականի հաստատված բյուջեով նախատեսված կապիտալ ծրագրերի շրջանակներում կատարել վերաբաշխում՝ 3,265,536.3 հազար դրամի չափով:

ԿՍԳՄ նախարար Վահարմ Դումանյանը թվարկեց, թե ինչի վրա է ծախսվելու այդ գումարը. «Թվով 4 միջին մասնագիտական ուսումնական հաստատությունների շենքերի բարելավմանը, թվով 10 մանկապարտեզների մոդուլային շենքերի կառուցմանը, ինչպես նաեւ թվով 12 մանկպարտեզների մոդուլային շենքերի նախագծմանը, թվով 21 մոդուլային դպրոցների շենքերի կառուցմանը, ինչպես նաեւ 10 մոդուլային դպրոցների նախագծմանը, թվով երկու դպրոցի նոր մասնաշենքի կառուցմանը, թվով 17 հանրակրթական ուսումնական հաստատությունների նոր մարզադահլիճների կառուցմանը եւ 5 մարզադահլւիճների վերակառուցմանը, թվով 1 բուհի շենքի հիմնանորոգմանը, թվով 2 մարզադպրոցի կառուցմանը, թվով մեկ թանգարանի ջեռուցման եւ օդափոխության համակարգով ապահովմանը, թվով 4 հուշարձանի վերականգնմանը եւ թվով 4 հուշարձանի նախագծմանը»,-ասաց նա:

ՀՀ վարչապետ Նիկոել Փաշինյանը թվարկեց այդ բոլոր հաստատությունների ցանկը, որոնք ընդգրկում էին Հայաստանի ողջ աշխարհագրությունը:

Խոսքը, մասնավորապես՝ Վանաձորի Միքայել Թավրիզյանի անվան արվեստի պետական քոլեջի և Վանաձորի գյուղատնտեսական պետական քոլեջի վերակառուցման ավարտական աշխատանքներն իրականացնելու մասին է, Նոր Գեղիի ակադեմիկոս Աղաջանյանի անվան պետական գյուղատնտեսական քոլեջի վերակառուցման և Գորիսի պրոֆեսոր Երիցյանի անվան պետական գյուղատնտեսական քոլեջի վերակառուցման մեկնարկի մասին է: Մենք մի շարք մանկապարտեզների շինարարության աշխատանքն ենք մեկնարկում, մի քանիսինն ավարտին ենք հասցնում: Մասնավորապես, Արագածոտնի մարզի Ալագյազ համայնքում, Արարատի մարզի Արալեզ համայնքում, Արմավիրի մարզի Արևիկ համայնքում, Արմավիրի մարզի Այգեվան համայնքում, Գեղարքունիքի մարզի Աստղաձոր համայնքում, Լոռու մարզի Սպիտակ համայնքում, Լոռու մարզի Գոգարան համայնքում, Կոտայքի մարզի Հրազդան համայնքում, Սյունիքի մարզի Սիսիան համայնքում, Տավուշի մարզի Այրում համայնքի Բագրատաշեն բնակավայրում: Այստեղ խոսքը մոդուլային՝ մինչև 144 երեխաների համար նախատեսված մանկապարտեզների մասին է: Սկսում ենք նախագծման աշխատանքները հետևյալ տեղերում. Արմավիրի մարզում 144 տեղանոց մանկապարտեզների աշխատանքը նախագծման, Արմավիրի մարզի Գետաշեն համայնքում, Արմավիրի մարզի Նորավան համայնքում, Արմավիրի մարզի Փշատավան համայնքում, Արմավիրի մարզի Լենուղի համայնքում, Լոռու մարզի Լեռնավան համայնքում, Լեռու մարզի Լուսաղբյուր համայնքում, Կոտայքի մարզի Չարենցավան համայնքում, Շիրակի մարզի Արթիկ համայնքում, Շիրակի մարզի Արևշատ համայնքում, Սյունիքի մարզի Սիսիան համայնքում, Վայոց ձորի մարզի Եղեգիս համայնքում, Տավուշի մարզի Այրում համայնքում:

Նախատեսվում է փոքրաքանական երեխաներով համալրված հանրակրթական դպրոցների մոդուլային շենքերի շինարարության շարունակություն և ավարտ: Ցանկը հետևյալն է՝ Արագածոտնի մարզի Լուսակնի միջնակարգ դպրոց, Արագածոտնի մարզի Գառնահովիտի միջնակարգ դպրոց, Գեղարքունիքի Շատջրեք բնակավայրի միջնակարգ դպրոց, Գեղարքունիքի մարզի Լեռնահովիտ համայնքի հիմնական դպրոց, Գեղարքունիքի Ջիլ գյուղի դպրոց, Մեդովկա բնակավայրի դպրոց Լոռվա մարզում, Լոռվա մարզի Հագվու բնակավայրի հիմնական դպրոց, Ջրառատի միջնակարգ դպրոց Կոտայքի մարզի, Կոտայքի մարզի Կաթնաղբյուրի հիմնական դպրոց, Շիրակի մարզի Արեգնադեմի միջնակարգ դպրոց, Բերդաշենի միջնակարգ դպրոց Շիրակի մարզի, Կապսի միջնակարգ դպրոց Շիրակի մարզի, Վաղատինի միջնակարգ դպրոց Սյունիքի մարզի, Հարժիսի Համլետ Մինասյանի անվան միջնակարգ դպրոց Սյունիքի մարզի, Դարպասի միջնակարգ դպրոց Սյունիքի մարզի, Գոմքի միջնակարգ դպրոց Վայոց Ձորի մարզի, Եղեգիսի մինակարգ դպրոց Վայոց ձորի մարզի, Վայոց ձորի մարզի Չիվայի միջնակարգ դպրոց, Արարատի մարզի Դեղձուտի միջնակարգ դպրոց, Արմավիրի Արգինայի միջնակարգ դպրոց և Կիրանցի Գագիկ Վարդանյանի անվան հիմնական դպրոց:

Նաև ուզում եմ ընդգծել, որ այս հատկացումով աշխատանքներ կիրականացվեն Երևանի Կոմիտասի անվան պետական կոնսերվատորիայի հիմնանորոգման համար: Աշխատանքներ կիրականացվեն նաև հեծանվային սպորտի և Հրանտ Շահինյանի անվան սպորտային գեղարվեստական մարմնամարզության և ակրոբատիկայի օլիմպիական մանկապատանեկան մարզադպրոցում: Արմավիրի մարզի Ջրառատ համայնքում ընթանում են Սիմոն Մարտիրոսյանի անվան ծանրամարտի մարզադպրոցի կառուցման աշխատանքները: Գումար է հատկացվում Հայաստանի պատմության թանգարանի ջեռուցման և օդափոխման համակարգի տեղադրման աշխատանքներն ավարտին հասցնելու մասին: Գիտեք, որ սա նույնպես շատ կարևոր ծրագիր է, որովհետև համապատասխան ժամանակակից համակարգեր չունենալու պատճառով գեղանկարների պահպանման խնդիրներ են լինում:

Նախագծով հստակեցնում ենք նաև մի շարք վերանորոգվող հուշարձանների ցանկ, մասնավորապես, գումար է հատկացվում աշխատանքներ իրականացնելու Լոռու մարզի Ալավերդի համայնքի Սանահինի վանական համալիրի Սուրբ Ամենափրկիչ եկեղեցում, Լոռու մարզի Քոբայրավանքի սեղանատան վերանորոգման համար, Տավուշի մարզի Գոշ համայնքի Գոշավանքի վերականգնման համար, Տավուշի մարզի Դիլիջանի Շարամբեյանի անվան ժողովրդական արհեստների թանգարանում նորոգման և ամրակայման աշխատանքներ իրականացնելու համար, նաև Ագարակ համայնքի, Արագածոտնի մարզի Ագարակ վաղ բրոնզե դարի կացարանների միջնադարյան համալիրի և պարսպապատի ամրակայման համար, Դսեղ համայնքի Բարձրաքաշի Սուրբ Գրիգորի վանական համալիրի կառույցների վերականգնման, Շիրակի մարզում՝ Երերույքի տաճարի և փոքր դամբարանի թաղերի ամրակայման և Անիպեմզայի մշակույթի տան վերականգնման և փոքրիկ թանգարանքի ստեղծման, Վայոց ձորի մարզի Շատիվանքի վանական համալիրի ամրակայման, մասնակի վերականգնման և տարածքի բարեկարգման համար:

Այս բոլոր ուղղություններով աշխատանքներ կատարելու հանձնարարականներ հնչել են 2021թ-ին՝ կառավարության նախորդ նիստերում: Իհարկե այլ ուղղություններով էլ աշխատանքներ ունենք իրականացնելու, որոնց մի մասն ընթացքի մեջ են, մյուս մասը՝ կմեկնարկեն: Հրապարակված այս ցանկը նախ ցույց է տալիս աշխատանքների աշխարհագրությունը, երկրորդ՝ այս բոլորը շատ կոնկրետ կապիտալ ներդրումներ են, որոնք պետք է կոնկրետ ազդեցություն ունենան կրթության, սպորտի ոլորտներում և նաև զբոսաշրջության ոլորտում»,-ասաց նա:

Փաշինյանը նաեւ նշեց. «Ես մի քանի աշխատանքներ վիզուալ տեսել եմ: Շատ կարեւոր է ոչ միայն տեխնիկական, այլ նաեւ էսթետիկական որակը հատկապես վերականգնվող հուշարձանների պարագայում: 1-2 հուշարձանի հետ կապված, որոնք արդեն համարվում են վերականգնված, ես  դիտողություններ եմ արել, հանձնարարականներ տվել եւ ակնկալում եմ, որ դրանք պատշաճ ձեւով եւ ժամկետներում կիրականացվեն»: