նախընտրելի դարձնել
Լոռու մարզում հուլիսի 31-ին, խոշոր չափի գողության դեպք է տեղի ունեցել. Ոստիկանության Թումանյանի բաժին է ահազանգել Լուռու մարզի բնակիչ 66-ամյա Վարդան Մ․-ն և հայտնել, որ իրենց տնից իրեն պատկանող չհրկիզվող պահարանը գողացել են։
Shamshyan.com-ի հաղորդմամբ, Վարդան Մ․-ն ոստիկաններին և քննիչներին հայտնել է որ հուլիսի 30-ից հուլիսի 31-ն ընկած ժամանակահատվածում անհայտ անձը կամ անձինք դռան կախովի փականը բացելու միջոցով մուտք են գործել իր տան բակում գտնվող ավտոտնակ և այնտեղից գողացել երկաթե չհրկիզվող պահարանը։
Փաստի առթիվ քննչական բաժնում նախաձեռնվել է վարույթ։
Կայքի տեղեկություններով՝ Վարդան Մ․-ն հայտնել է նաև, որ սեյֆում եղել են իրեն պատկանող 14 հազար ԱՄՆ դոլար և 6 միլիոն դրամ։
Վարդան Մ․-ն աշխատում է «Արմենիան Վոլնատ» ՍՊԸ-ում որպես ավագ մասնագետ։
