նախընտրելի դարձնել
Չեխիայի կառավարությունը հաստատել է ԱՄՆ-ի հետ պաշտպանության ոլորտում համագործակցության մասին համաձայնագիրը, հայտնում է Associated Press-ը։
Համաձայնագիրը իրավական հիմք է դնում Չեխիայում ամերիկյան զորքերի հնարավոր տեղակայման եւ Չեխիայի զինված ուժերի հետ նրանց համագործակցության համար։
Դա պետք է հեշտացնի նման քայլերը Ուկրաինայի դեմ ռուսական ագրեսիայի ժամանակաշրջանում։
«Սա, անկասկած, քայլ է մեր երկրի անվտանգության ամրապնդման ուղղությամբ», - ասել է վարչապետ Պյոտր Ֆիալան:
Չեխիայի եւ ԱՄՆ-ի պաշտպանության նախարարների կողմից համաձայնագրի ստորագրման ամսաթիվը դեռեւս նշանակված չէ։ Ստորագրումից հետո այն պետք է հաստատվի երկու երկրների խորհրդարանների ու նախագահների կողմից։
Պաշտպանության նախարար Յանա Չերնոխովան ԱՄՆ-ին անվանել է «պաշտպանության ոլորտում ամենակարեւոր դաշնակից»:
ԱՄՆ-ն նման պայմանագրեր է կնքել ՆԱՏՕ-ի 24 այլ անդամների հետ, այդ թվում Լեհաստանի, Սլովակիայի, Հունգարիայի, Լիտվայի, Լատվիայի, Էստոնիայի, Ռումինիայի եւ Բուլղարիայի, որոնք կազմում են դաշինքի արեւելյան թեւը:
ԱՄՆ զորքերի ցանկացած կոնկրետ տեղակայում ամեն դեպքում կպահանջվի Չեխիայի կառավարության եւ խորհրդարանի հավանությունը:
