նախընտրելի դարձնել
Չեչնիայի ղեկավար Ռամզան Կադիրովի 15-ամյա որդուն՝ Ադամին, շնորհվել է Չեչնիայի Հանրապետության հերոսի կոչում, հայտնել է Պետդումայի պատգամավոր Ադամ Դելիմխանովը Telegram-ի իր ալիքում։
«Մեծ հաճույքով շնորհավորում եմ... Ադամ Ռամզանովիչ Կադիրովին Չեչնիայի Հանրապետության բարձրագույն՝ հերոսի կոչման արժանանալու կապակցությամբ»,- գրել է պատգամավորը։ Նա Ադամին անվանել է «գրագետ,բազմակողմանի զարգացած և նպատակասլաց երիտասարդի օրինակ, որը վաղ տարիքից առաջնորդի որակներ է դրսևորել և ձգտել է ինքնազարգացման»։
Սեպտեմբերի վերջին Ռամզան Կադիրովը հրապարակել էր նկար, որտեղ Ադամը ծեծում է Նիկիտա Ժուրավելին, որը ձերբակալվել էր Վոլգոգրադում Ղուրանը այրելու համար։ Չեչնիայի ղեկավարը խոստովանել է, որ հպարտ է որդու արարքով։
