նախընտրելի դարձնել
Եվրամիությունը ընդլայնել է իր նախազգուշացումը, որ տեխնոլոգիական ընկերությունները պետք է հեռացնեն ՀԱՄԱՍ-ին պաշտպանող կոնտենտներն իրենց հարթակներից, հակառակ դեպքում կենթարկվեն իրավական պատժամիջոցների, գրում է Reuters-ը։
Իսրայելի վրա ՀԱՄԱՍ-ի հարձակումից հետո սոցիալական մեդիա ընկերությունները ականատես դարձան հակամարտությունների հետ կապված ապատեղեկատվության բռնկման, ներառյալ կեղծված նկարներն ու սխալ պիտակավորված տեսանյութերը, նշում է գործակալությունը:
Ավելի վաղ ներքին շուկայի հարցերով եվրահանձնակատար Թիերի Բրետոնը միլիարդատեր Իլոն Մասկին հայտնել էր Իսրայելի վրա պաղեստինյան ՀԱՄԱՍ խմբավորման անակնկալ հարձակումից հետո X սոցիալական ցանցում ապատեղեկատվության տարածման մասին՝ կոչ անելով նրան, համաձայն ԵՄ նոր կանոնների, հակաքայլեր ձեռնարկել առցանց-կոնտենտի վերաբերյալ։
Այժմ Եվրահանձնաժողովը փորձել է հիշեցնել սոցիալական ցանցերի բոլոր ընկերություններին, որ նրանք օրենքով պարտավոր են կանխել ՀԱՄԱՍ-ի հետ կապված վնասակար բովանդակության տարածումը:
«Ինտերնետում շրջանառվող կոնտենտը, որը կարող է կապված լինել ՀԱՄԱՍ-ի հետ, որակվում է որպես ահաբեկչական կոնտենտ, անօրինական է և պետք է հեռացվի ինչպես Թվային ծառայությունների մասին օրենքի (DSA), այնպես էլ և TCO (Ահաբեկչական առցանց կոնտենտ)-ի կանոնների համաձայն,- գործակալությանն է ասել հանձնաժողովի ներկայացուցիչը:- Հանձնաժողովն ամբողջությամբ կկիրառի DSA-ն և կվերահսկի TCO-ի լիակատար իրականացումը: Հանձնաժողովը հորդորում է առցանց հարթակներինամբողջովին համապատասխանել ԵՄ կանոններին»:
Նոր ներդրված DSA-ն պահանջում է, որ խոշոր առցանց հարթակները, ներառյալ X-ը և Facebook-ը, հեռացնեն անօրինական կոնտենտները և միջոցներ ձեռնարկեն հանրային անվտանգությանը և քաղաքացիական դիսկուրսին սպառնացող ռիսկերը վերացնելու համար:
Ցանկացած ընկերություն, որը կխախտի DSA-ն, սպառնում է տուգանք՝ համաշխարհային շրջանառության մինչև 6%-ի չափով, և իրավախախտումը կրկնողներին կարող է ընդհանրապես արգելվի գործունեությունը Եվրոպայում:
