Պենտագոնը երկրորդ ավիակիրների հարվածային խումբն է ուղարկել Միջերկրական ծովի արևելյան հատված, մինչդեռ Իսրայելը պատրաստվում է ընդլայնել իր գործողությունները Գազայի հատվածում, հայտնում է CNN-ը։

ԱՄՆ-ն երկրորդ ավիակիրն է ուղարկում տարածաշրջան՝ «Իսրայելի դեմ թշնամական գործողությունները զսպելու համար», ասվում է Պենտագոնի հայտարարության մեջ։

Ամերիկյան ռազմանավերը նախատեսված չեն Գազայում կամ իսրայելական այլ գործողություններին մասնակցելու համար, սակայն ԱՄՆ ռազմածովային ուժերի երկու ամենահզոր նավերի առկայությունը պետք է հստակ ուղերձ լինի Իրանին և տարածաշրջանի իրանական ուժերին, ինչպիսին է Լիբանանի «Հեզբոլահը»:

Ինչպես հաղորդում է BBC-ն, այս շաբաթվա սկզբին Իսրայելի ափերի մոտ արդեն ժամանել էր առաջին ավիակիր հարվածային խումբը՝ «Ջերալդ Ֆորդ» ավիակրի գլխավորությամբ։ Այժմ հարվածային խումբը «Դուայթ Էյզենհաուեր» ավիակիր նավով շարժվում է դեպի արևելյան Միջերկրական ծով: Հեռուստաընկերության զրուցակիցները հայտնել են, որ նավը կուղևորվի դեպի Իսրայելի մերձակա ջրեր։

Հայտնի չէ, թե «Ջերալդ Ֆորդը» որքան ժամանակ կմնա այնտեղ «Դուայթ Էյզենհաուերի» ժամանումից հետո, ասել է աղբյուրներից մեկը: Ջո Բայդենի վարչակազմը հստակեցրել է, որ ավիակիրը և նրան ուղեկցող ուժերը նախատեսված չեն  Իսրայելի կողմից ռազմական գործողություններին մասնակցելու համար, այլ ավելի շուտ զսպելու մյուսներին հակամարտության մեջ մտնելուց, ներառյալ «Հեզբոլահը»:

Միևնույն ժամանակ, 26-րդ ծովային հետևակի էքսպեդիցիոն ջոկատը պատրաստություն է անցկացնում՝ ամերիկյան զորքերն ուժեղացնելու նպատակով  Իսրայելին մոտենալու համար, ավելի վաղ CNN-ին հայտնել են ամերիկացի պաշտոնյաները՝ անանուն մնալու պայմանով: ԱՄՆ ՌԾՈՒ-ի տվյալներով,  «Դուայթ Էյզենհաուերը» ավիակիր հարվածային խմբի դրոշակակիրն է, որին կմիանան մեկ  հրթիռային հածանավ և երկու էսկադրոնային ականակիր։