«Չորեքշաբթի  օրը Ավստրիայի նախկին կանցլեր Սեբաստիան Կուրցը  կանգնել է դատարանի  առջև իր՝ առաջին կառավարությունում ենթադրյալ կոռուպցիայի վերաբերյալ խորհրդարանական հետաքննության ընթացքում կեղծ ցուցմունքներ տալու մեղադրանքով»,-հայտնում է AP-ն։

Կուրցը հրաժարական է տվել 2021 թվականին՝ կոռուպցիոն հետաքննության արդյունքում և այդ ժամանակվանից ի վեր հեռացել է քաղաքականությունից:

Մեղադրանքները հերքող Կուրցին մեղավոր ճանաչելու դեպքում  նրան կարող է սպառնալ մինչև երեք տարվա ազատազրկում:

Վիեննայի քրեական դատարան բերված գործը հիմնված է հետաքննության ընթացքում նրա տված ցուցմունքների վրա, որոնք ուղղված են եղել 2017թ․-ից նրա ղեկավարած կոալիցիային, երբ նրա պահպանողական Ժողովրդական կուսակցությունը կառավարություն ձևավորեց ծայրահեղ աջ սեկտորի «Ազատություն» կուսակցության հետ մինչև 2019 թվականին դրա փլուզումը։

Դատախազները մեղադրում են Կուրցին՝ 2020 թվականի հունիսին OeBAG հոլդինգային ընկերության ստեղծման գործում ունեցած դերի մասին կեղծ ցուցմունքներ տալու և նրա նախկին մերձավոր Թոմաս Շմիդին  ընկերության ղեկավար նշանակելու մեջ։

Կուրցը հայտարարել է, որ քաղաքականությունն ազդել է հետաքննության վրա: «Ես դեռ հույս ունեմ արդար դատավարության, և որ այս պնդումների կեղծ լինելը, ի վերջո, կապացուցվի», -  ասել է նա՝ իր փաստաբանի հետ դատարան գալով:

Սուտ ցուցմունք տալը ենթադրում է առավելագույնը երեք տարվա ազատազրկում։ 30 տարիների ընթացքում  սա առաջին դեպքն է, երբ Ավստրիայի նախկին կանցլերը դատարանի առաջ է կանգնում։