Առնվազն մեկ մարդ զոհվել, 15 հոգի տուժել է Ուելսում երկու գնացքների բախման հետեւանքով։ Այս մասին տեղեկացրել է Sky News հեռուստաալիքը։

Նրա տվյալներով՝ միջադեպը տեղի է ունեցել երկուշաբթի, տեղի ժամանակով ժամը մոտ 19.30-ին։ Բոլոր տուժածները տեղափոխվել են մերձակա հիվանդանոցներ։

Տրանսպորտային ընկերության տեղեկացմամբ՝ միջադեպի տեղամասում գնացքների շարժը դադարեցվել է։

Ուելսի առաջին նախարար Էլուենդ Մորգանը ցավակցություն է հայտնել վթարի առիթով։ «Իմ մտքերը բոլորի հետ են, ովքեր տուժել են երկաթուղային միջադեպից այսօր երեկոյան Պոուիսում»,- գրել է նա Х-ի իր էջում։

Ոստիկանությունը եւ փրկարարները շարունակում են աշխատել պատահարի վայրում։ Բախման պատճառների մասին չի տեղեկացվում։