նախընտրելի դարձնել
«Միսս Ամերիկա» գեղեցկության մրցույթն անցկացնող ընկերությունը սեփականության իրավունքի շուրջ դատական վեճի պատճառով հայտարարել է իր սնանկացման մասին, գրում է Bloomberg-ը։
«Miss America Competition» ՍՊԸ-ն ուրբաթ դիմել է պարտատերերի պաշտպանության խնդրանքով, իսկ երեքշաբթի հայտարարել, որ մոտ 4 միլիոն դոլար պարտավորվածություն ունի:
Վերջին հայցը ներկայացվել է ի պատասխան նախկին մենեջերի, որը սնանկությունն «անբարեխղճություն» է որակել՝ հայտարարելով, որ ընկերությունը լուրջ ֆինանսական դժվարությունների չի հանդիպում:
Ավելի քան մեկ դար առաջ երևան եկած կանանց գեղեցկության մրցույթը պայքարում է, ձգտելով հարմարվել իր մշակութային արդիականությունը կորցրած հետֆեմինիստական դարաշրջանին:
Սակայն, ինչպես նշում են լրատվամիջոցները, դատավարությունը, ըստ ամենայնի, առնչվում է ներկայիս սեփականատեր Գլեն Շտրաուբի և նախկին գլխավոր տնօրեն Ռոբին Ֆլեմինգի միջև վեճի հետ, ով ևս պահանջներ է ներկայացրել մրցույթի նկատմամբ:
Շտրաուբի ընկերությունն իր հերթին մեղադրել է Ֆլեմինգին, որ վերջինս հրաժարվել է ֆինանսական տեղեկություններ տրամադրել և մերժել գործառնական վերահսկողության սահմանումը։ Մրցույթը դեռ շարունակվում է, իսկ 2025 թվականի մրցույթը նախատեսվում է սկսել այս տարվա դեկտեմբերի վերջին:
Դատարանը որոշել է, որ ընկերությունը կարող է շարունակել իր բիզնեսը, քանի դեռ դատավարությունը շարունակվում է։
