նախընտրելի դարձնել
ԱՄՆ-ը կսկսի զրոյացնել չինացի ուսանողների վիզաները։ Այս մասին հայտնել է ԱՄՆ պետքարտուղար Մարկո Ռուբիոն Х սոցցանցում։
«ԱՄՆ-ը կսկսի չեղարկել վիզաները չինացի ուսանողների համար, ներառյալ նրանց, ովքեր կապված են Չինաստանի կոմունիստական կուսակցության հետ կամ սովորում են առանցքային ոլորտներում»,- գրել է նա:
Ռուբիոն ավելացրել է, որ ԱՄՆ-ը կփոխի վիզայի պահանջները Չինաստանից, այդ թվում՝ Հոնկոնգից դիմողների համար։ Նորամուծությունները կօգնեն վիզաների տրամադրման ժամանակ ավելի մանրակրկիտ ստուգումներ անցկացնել։
Տեղեկացվել է նաեւ, որ ԱՄՆ վարչակազմը ցանկանում է զրկել Չինաստանին կիսահաղորդիչներ ստեղծելու ծրագրային ապահովման հասանելիությունից:
Մինչ այդ հաղորդվել էր, որ ԱՄՆ Սենատի առանցքային դեմոկրատները կոչ են արել նախագահ Դոնալդ Թրամփի վարչակազմին վերանայել մերձավորարեւելյան երկրներին արհեստական բանականության չիպերի մատակարարման վերաբերյալ համաձայնագրերը։ Դեմոկրատները վախենում են, որ առաջավոր տեխնոլոգիաները կարող են արտահոսել Չինաստան եւ Ռուսաստան՝ սահմանափակելով ամերիկյան ընկերությունների մատակարարումները:
