Լոնդոնի ոստիկանությունը հանցավոր խմբավորում է բացահայտել, որին կասկածում են 40 հազար գողացված բջջային հեռախոս մաքսանենգ ճանապարհով Չինաստան տեղափոխելու մեջ, հաղորդում է Reuters-ը։

Ոստիկանությունն, ըստ տեղեկությունների, բացահայտել է խմբավորումը հեռախոսների գողության դեմ պայքարի մինչ օրս իրականացված խոշորագույն գործողության շրջանակում, որի արդյունքում վերջին երկու շաբաթվա ընթացքում ձերբակալվել է 46 մարդ։

Ոստիկանության տվյալներով՝ խմբավորումն, ըստ ամենայնի, ներգրավված է Լոնդոնում հեռախոսների գողության բոլոր դեպքերի մոտ 40%-ում, որտեղ, ինչպես աշխարհի այլ խոշոր քաղաքներում, վերջին տարիներին կտրուկ աճել են գողացված սարքերի քանակը՝ պայմանավորված շահութաբեր միջազգային շուկայով և էլեկտրական հեծանիվներով փախուստների արագությամբ։

Իրավապահ մարմինների ներկայացուցիչները հայտնել են, որ հետաքննությունը սկսվել է անցյալ տարի, երբ Լոնդոնի Հիթրոու օդանավակայանի մոտակայքում գտնվող պահեստում հայտնաբերվել է մոտ 1000 iPhone պարունակող տուփ, որոնք պատրաստվել էին Հոնկոնգ առաքման։

Ոստիկանության տվյալներով՝ խումբը հատուկ թիրախավորել է Apple-ի արտադրանքը՝ արտասահմանում դրանց շահութաբերության պատճառով, պարզելով, որ իրենց յուրաքանչյուր Apple-ի սմարթֆոնի համար վճարում են մինչև 403,02 դոլար, մինչդեռ Չինաստանում դրանք կարելի էր վաճառվել 5000 դոլարով։

«Դա Մեծ Բրիտանիայում բջջային հեռախոսների գողության և կողոպուտի դեմ ուղղված խոշորագույն գործողությունն է»,- ասել է ոստիկանության հրամանատար Էնդրյու Ֆեզերսթոունը։

Երեք տասնյակ ձերբակալություններ են կատարվել, երբ ոստիկանությունը հետևել է նոր iPhone 17 տեղափոխող սուրհանդակային ավտոմեքենաները թալանող խմբավորումներին, իսկ երկու 30-ամյա տղամարդ ձերբակալվել է փողերի լվացման կասկածանքով, երբ Լոնդոնի հյուսիսում գտնվող հեռախոսների խանութում հայտնաբերվել է 40 հազար ֆունտ ստեռլինգ կանխիկ գումար։