նախընտրելի դարձնել
Այս շաբաթ Սինգապուրում վերստին մահապատիժ է իրականացվել: 38-ամյա Պաննիր Սելվամ Պրանթամանը, մալայզիացի քահանայի որդին, կախաղան է բարձրացվել 52 գրամ հերոինի համար, հաղորդում է Bild-ը։
Պաննիրը ձերբակալվել է 2014 թվականին, երբ նրա մոտ թմրանյութեր են գտել: Նրա ընտանիքը մի քանի տարի պայքարել է նրա կյանքի համար. փաստաբանները մի քանի բողոքներ են ներկայացրել և նույնիսկ երկրի նախագահի ներման խնդրագիր են ներկայացրել, բայց ապարդյուն։
Սինգապուրի օրենքներն անողոք են. 15 գրամից ավելի հերոին կամ 500 գրամ կանեփ պահելուի համար մահապատիժ է նախատեսվում։
Պաննիրը հայտարարել է, որ չգիտեր, որ թմրանյութեր է տեղափոխում: Ընկերները նրան որպես հանգիստ, բարի և աստվածավախ մարդ են նկարագրել։
Չնայած միջազգային քննադատությանը՝ Սինգապուրը շարունակում է մահապատիժ կիրառել: Իշխանությունները պնդում են, որ դա երկիրը թմրանյութերից պաշտպանելու միակ միջոցն է:
