Կրիպտոբիզնեսմեն Ալեքսեյ Դոլգիխը զոհվել է Մոսկվայում՝ Միջազգային խճուղում տեղի ունեցած ավտովթարի հետևանքով։ Այս մասին ՏԱՍՍ-ին հայտնել են իրավապահ մարմինները։

«Ավտովթարի հետևանքով, որի ժամանակ Lamborghini մակնիշի ավտոմեքենան բախվել է սյանը և բռնկվել Միջազգային խճուղում, զոհվել է կրիպտոբիզնեսմեն Ալեքսեյ Դոլգիխը», — հայտնել է գործակալության զրուցակիցը։

Վթարը տեղի է ունեցել Միջազգային խճուղու 1-ին կիլոմետրում՝ նոյեմբերի 9-ի գիշերը։ Lamborghini-ն բախվել է ճանապարհային արգելապատնեշին, ապա շրջվել և բռնկվել։ Մոսկվայի ՆԳՆ գլխավոր վարչության մամուլի ծառայության տվյալներով, վթարի հետևանքով զոհվել են երկու մարդ, ևս երկու հոգի տուժել են։

Հյուսիսային վարչական շրջանի դատախազությունը վերահսկողության տակ է վերցրել վթարի հանգամանքների պարզման գործընթացը։ «Դատավարական ստուգման ընթացքն ու արդյունքները գտնվում են դատախազության վերահսկողության ներքո», — նշված է Telegram-ալիքում տարածված հաղորդագրությունում։