նախընտրելի դարձնել
Գերմանիայի Սոցիալիստական միասնական կուսակցության (ԳՍՄԿ, որը իշխող կուսակցությունն էր ԳԴՀ-ի ժամանակ) կողմից բռնաճնշումների զոհերի հարցերով Բունդեսթագի լիազոր Էվելին Ցուպկեն պահանջել է վերանվանել Վլադիմիր Լենինի, ինչպես նաև ԳԴՀ նախկին գործիչների անուններով կոչվող փողոցները։
«[Գերմանիայի] միավորումից 35 տարի անց ոչ մի փողոց այլևս չպետք է անվանվի Լենինի, Օտտո Գրոտևոլի (ԳԴՀ Նախարարների խորհրդի նախագահ 1949–1964 թթ.) կամ Վիլհելմ Պիկի (ԳՄԿ հիմնադիրներից, ԳԴՀ նախկին նախագահ) անունով», – Bild թերթին ասել է Ցուպկեն։ «Փողոցների անունները մեր այսօրվա ժողովրդավարական հասարակության կողմից երախտագիտության արտահայտություն են։ Այս անձինք, ընդհակառակը, մարմնավորում են հազարավոր տուժածների տառապանքները», – կարծում է նա։
Գերմանիայի արևելյան բազմաթիվ քաղաքներում մինչ օրս պահպանվել են Լենինի և ԳՄԿ ֆունկցիոներների անուններով փողոցներ։ Գոյություն ունեն նույնիսկ փողոցներ՝ ի պատիվ Գերմանա-խորհրդային բարեկամության։ Փողոցների վերանվանման թեման բուռն բանավեճեր է առաջացրել և գործը հասել է նույնիսկ դատական քննության, ինչպես, օրինակ, Յերիխով քաղաքում (Սաքսոնիա-Անհալթ)։ Ընդ որում, այնտեղ վերանվանման հակառակորդները քաղաքական աջակցություն են ստացել «Այլընտրանք Գերմանիայի համար» կուսակցությունից։
