Ավստրալիայի Սիդնեյ քաղաքի մուսուլմանական գերեզմանատանը տեղի ունեցած ահաբեկչությունից հետո՝ իբրև թե խոզի գլուխներ են հայտնաբերվել, հայտնում է Daily Mail պարբերականը։

Ավելի վաղ ABC հեռուստաալիքը, հղում անելով Ավստրալիայի ներքին հետախուզության գործակալությանը (ASIO), հայտնել է, որ հարձակվողներից մեկը՝ Նավիդ Աքրամը, նախկինում արդեն հայտնվել է հատուկ ծառայությունների ուշադրության կենտրոնում։ Բացի այդ, Նոր Հարավային Ուելս նահանգի հատուկ ծառայությունների միացյալ հակաահաբեկչական խմբի աղբյուրը հեռուստաալիքին հայտնել է, որ Բոնդայ լողափում կասկածյալների մեքենայում «Իսլամական պետության» դրոշ է հայտնաբերվել։

«Սիդնեյի արևմուտքում գտնվող գերեզմանատանը խոզի գլուխներ են նետվել մուսուլմանական գերեզմանների վրա՝ որպես Բոնդի լողափի հարձակումից հետո շոկային վրեժխնդրություն», - ասվում է հրապարակման մեջ։

Կիրակի օրը չարագործները կրակ են բացել Սիդնեյի Բոնդայ լողափում գտնվող մարդկանց վրա։ Նոր Հարավային Ուելսի նահանգի ոստիկանության տվյալներով, դրանք երկու տղամարդիկ են եղել՝ 50 և 24 տարեկան, որոնք հայր և որդի են։ Հրաձգության հետևանքով 16 մարդ, այդ թվում՝ հարձակվողներից մեկը զոհվել է․ տուժել է 40 մարդ։ Իսրայելական Kan հանրային ռադիոհեռուստաընկերությունը հստակեցրել է, որ կրակոցները տեղի են ունեցել Խանուկայի մոմերը վառելու արարողության ժամանակ, որի համար հավաքվել են տեղի հրեական համայնքի բազմաթիվ ներկայացուցիչներ։ Ինչպես ավելի ուշ հայտնել է նահանգի ոստիկանությունը, ահաբեկչության վայրից առգրավվել են երկու ակտիվացված ինքնաշեն պայթուցիկ սարքեր, որոնք հետագայում վնասազերծվել են սակրավորների կողմից։