Մեծ Բրիտանիայի վարչապետ Քիր Սթարմերը Եվրոպան անվանել է «քնած հսկա» և կոչ արել ՆԱՏՕ-ի եվրոպական անդամներին միասին գործել՝ «ռուսական ագրեսիայի պայմաններում մեծ արդյունքի հասնելու համար», հայտնում է CNN-ը:

«Մենք պետք է միասին առաջ շարժվենք, որպեսզի ՆԱՏՕ-ն դարձնենք ավելի եվրոպական: Իմ կարծիքով՝ Եվրոպան քնած հսկա է», - ասել է Սթարմերը շաբաթ օրը Մյունխենի անվտանգության համաժողովում ունեցած իր ելույթում։

«Մեր տնտեսությունները գերազանցում են ռուսականին ավելի քան 10 անգամ: Մենք հսկայական պաշտպանական ներուժ ունենք, բայց չափազանց հաճախ այն ավելի փոքր է թվում, քան իր բաղկացուցիչների գումարը», - ասել է նա: «Անջատողական արդյունաբերական պլանավորումը և գնումները հանգեցրել են բացթողումների որոշ ոլորտներում և զանգվածային կրկնօրինակումների՝ մյուսներում»: Բրիտանական առաջնորդն ընդգծել է, որ չնայած ԱՄՆ-ը մնում է անփոխարինելի դաշնակից, սակայն ԱՄՆ ազգային անվտանգության ռազմավարությունը նշանակում է, որ Եվրոպան պետք է ստանձնի սեփական պաշտպանության հիմնական պատասխանատվությունը:

«Սա նոր նորմա է», - ասել է նա:

Սթարմերը հավելել է, որ Եվրոպան պետք է պատրաստ լինի ստեղծել «կոշտ ուժ» և պատրաստ լինի կռվել, եթե դա անհրաժեշտ լինի: «Սա մեր ժամանակի կարգախոսն է. մենք պետք է ընդունակ լինենք զսպել ագրեսիան, և այո՛, անհրաժեշտության դեպքում մենք պետք է պատրաստ լինենք կռվել, անել հնարավոր ամեն ինչ՝ մեր մարդկանց, մեր արժեքները և մեր ապրելակերպը պաշտպանելու համար», - ասել է նա։