Ամերիկյան Քալիֆորնիայի նահանգի Ֆուլերթոն քաղաքի ոստիկանությունը ձերբակալել է Արթուրո Գալվանին, որը ներխուժում էր տեղի քոլեջի ուսանողուհիների տներն ու ոգղանում նրանց անձնական իրերը, հատկապես սպիտակեղենը։ Այս մասին գրում է Lenta.ru-ն՝ վկայակոչելով BuzzFeed-ը։

Իրավապահների տվյալներով, աղջիկների բնակարանները պարզելու համար 44-ամյա տղամարդն օգտագործել է Instagram-ի լուսանկարների GPS-տվյալները։

Ոստիկանությունը խուզարկել է նրա տունն ու բազմաթիվ գողացված իրեր գտել, որոնք պատկանել են 24 ուսանողուհիների, այդ թվում՝ լուսանկարներ, կրծկալներ, պլանշետներ։ Քալիֆորնիայի բնակչին մեղադրել են կողոպուտի, ապօրինի ներխուժման եւ հետապնդման մեջ։ Նրան ազատ են արձակել 200 հազար դոլարի չափով գրավի դիմաց։