Բրիտանացի գիտնականները պարզել են, որ արտահաստիքային աշխատակիցների չֆիքսված աշխատանքային գրաֆիկը նրանց ավելի երջանիկ է դարձնում: Հետազոտության արդյունքները հրապարակվել են Human Relations ամսագրում:
Ըստ Gazeta.ru-ի, 6 ամիս շարունակ արտահաստիքային 45 աշխատակցի շրջանում հարցում են անցկացրել: Գիտնականները պարզել են, որ այդ մարդիկ, ընդհանուր առմամբ, ավելի հանգիստ են եւ աշխատելու ավելի մեծ ցանկություն ունեն, քան մշտական աշխատակիցները: Սակայն պատասխանատվության ավելացման եւ աշխատանքի բարդության դեպքում այդպիսի աշխատակիցները կարող են տագնապի զգացում ունենալ եւ դեպրեսիա ապրել:
Մասնագետների պնդմամբ, արտահաստիքային աշխատատողների մեծ էնտուզիազմը կարող է փոխհատուցել աշխատանքի եւ անձնական կյանքի անհավասարակշռությունը եւ նվազեցնել դրա բացասական ազդեցությունը նրանց զգայական վիճակի վրա: