«Ժողովրդական կուսակցությունը» միանում է խորհրդարանական ոչ իշխանական երեք ուժերին` ԲՀԿ-ին, ՀԱԿ-ին եւ «Ժառանգությանը»: Այս մասին այսօր` նոյեմբերի 17-ին, լրագրողների հետ զրույցում հայտարարեց կուսակցության առաջնորդ Տիգրան Կարապետյանը:
Նրա խոսքով` ինքը միանում է եռյակին, որ «հավատ ավելացնի»:
«Սա համաժողովրդական շարժում է, բոլոր կուսակցություններն են միանալու մեզ: Եթե նրանք իշխանական պրոյեկտ լինեին, ապա իմ մեկնած ձեռքին չէին արձագանքի»,- ասաց քաղաքական գործիչը:
Հաջորդ հանրահավաքին Տիգրան Կարապետյանը լինելու է հարթակում, սակայն այդ մասին դեռ եռյակի առաջնորդների հետ չի խոսել, որեւէ քննարկում չի եղել:
