Զբոսանավով շրջագայությունը ողբերգական ավարտ է ունեցել ամերիկացի ամուսինների համար։ Քեննեթ Մանսանարեսը սպանել է իր 39-ամյա կնոջը՝ Քրիստիին այն բանի համար, որ վերջինը «անդադար ծիծաղում էր» նրա վրա, հայտնում է BBC-ն։
Քրիստիի մարմինը՝ գլխի մասում վիրավորումով հայտնաբերվել է նրանց նավախցում։ Ականատեսի խոսքով Քենեթը կնոջ մարմինը պատշգամբից նավախուց էր տանում։ Քենեթին ձերբակալել են այն բանից հետո, երբ նրա ձեռքերի ու հագուստի վրա արյան հետքեր են հայտնաբերել։ Հետագայում, ՀԴԲ գործակալների խուզարկության ժամանակ, կասկածյալն ասել է․ «Իմ կյանքն ավարտված է»։ Այն հարցին, թե ինչ է տեղի ունեցել՝ տղամարդը պատասխանել է․ «նա անդադար ծիծաղում էր ինձ վրա»։