ԱՄՆ Կոնգրեսի դեմոկրատական կուսակցության անդամները ցանկանում են հասնել դաշնային կառավարության աշխատանքի դադարեցմանը հանրապետականների հարկային բարեփոխումների հաջողությունը նվազեցնելու նպատակով: Այսպիսի կարծիք իր Twitter-ում հայտնել է Նախագահ Դոնալդ Թրամփը, հաղորդում է ՏԱՍՍ-ը:
«Դա լավ չէ մեր հրաշալի զինվորականների կամ շատ վտանգավոր է հարավային սահմանի անվտանգության եւ կարգուկանոնի համար: Դեմոկրատները ցանկանում են դադարեցնել պետական ինստիտուտների աշխատանքը՝ հարկերի կրճատման մասին օրենքի մեծ հաջողությունը եւ դրա ազդեցությունը մեր աճող տնտեսության վրա նվազագույնի հասցնելու համար»,-գրել է ամերիկացի առաջնորդը:
Կոնգրեսը շարունակում է աշխատանքը դաշնային կառավարության ֆինանսավորման ժամանակավոր երկարացման մասին նոր բանաձեւի ներքո, քանի որ ներկայիս բանաձեւի ժամկետը կավարտվի մոտ երկու ժամից: Նախարարություններն ու գերատեսչությունները գտնվում են աշխատանքների դադարեցման եզրին:
Դեռեւս Սենատում դեմոկրատներն ու հանրապետականները չեն կարող համաձայնության գալ: Չի բացառվում, որ աշխատանքը կշարունակվի հանգստյան օրերին, որպեսզի հաջորդ աշխատանքային շաբաթվա ընթացքում պետական հաստատությունները կարողանան աշխատանքի անցնել ամբողղջական դաշնային բյուջեի բացակայության պայմաններում: