Ռուսաստանի նախագահ Վլադիմիր Պուտինը որտեղ հնարավոր է խնդիրների պատճառ է դառնում՝ Խորհրդային Միության փլուզումից հետո իր երկիրը հզոր ներկայացնելու համար: Այս մասին հայտարարել է Մեծ Բրիտանիայի արտգործնախարար Բորիս Ջոնսոնը, հաղորդում է Reuters-ը:
«Կարծում եմ, որ Վլադիմիր Պուտինը համարում է, որ Ռուսաստանը պարտվել է, ուստի նա ցանկանում է խնդիրներ ստեղծել այնտեղ, որտեղ կարող է», - ասել է Ջոնսոնը` հավելելով, որ Բրիտանիան չի ցանկանում նոր սառը պատերազմ: «Այդ նպատակով նրա հիմնական լսարանը մենք չենք, դա ներքին լսարանն է, որը ցանկանում է կրկին զգալ, որ Ռուսաստանը ուժեղ է դարձել»:
