Mercedes-AMG ընկերությունը քննարկում է եւս մեկ մոդելի թողարկման հնարավորությունը: Նորույթը կպայքարի Porsche Cayman-ի եւ Boxster-ի գնորդների համար: Ըստ որում՝ մակնիշը չի ծրագրում սեփական ամենագնաց թողարկել: Այս մասին, վկայակոչելով արտադրողի ղեկավար Թոբիաս Մոերսին, հայտնում է Autocar պարբերականը:
«Շուկան այնպիսի մեքենայի կարիք ունի, ինչպիսին 4-դռնանի Mercedes-AMG GT 4-Door Coupe-ն է,- նշել է Մոերսը: - Ինչ վերաբերում է ամենագնացին, ապա արդեն բավարար թվով AMG ածանցյալներ կան, ուստի մենք այլ մոդել կպատրաստենք»:
Mercedes-AMG GT 4-Door Coupe-ն հայտնվել է այս տարի: Սպորտքարի շարժիչային գաման կազմված է 2 «ութնյակներից»՝ 585 եւ 639 ձիաուժ հզորությամբ, ինչպես նաեւ V6 տուրբոշարժիչի հիմքով հիբրիդային սարքից: Ագրեգատի հզորությունը կազմում է 435 ձիաուժ (520 Նմ): Mercedes-AMG GT 4-Door Coupe-ի թոփային տարբերակը մինչեւ «հարյուրյակ» զարգացնում է 3,2 վայրկյանում: Առավելագույն արագությունը կազմում է 315 կմ/ժամ: