Ամերիկյան Թամփ քաղաքում մայրը գետում խեղդել է 4-ամյա դստերը: Ըստ USA.one-ի՝ կատարվածի մասին տեղի ոստիկանությանը հայտնել են անցորդները: Ջրասուզակները աղջկա մարմինը դուրս են բերել ափից 20 մետր հեռավորությամբ:
Հիվանդանոցում բժիշկները երեխայի մահն են արձանագրել: Մայրը՝ 26-ամյա Շաքեյլա Դենսանը, ձերբակալվել է: Նրան արդեն մեղադրանք են առաջադրել կանխամտածված սպանության եւ երեխայի հետ դաժան վերաբերմունքի համար:
Ավելի ուշ հայտնաբերել են GoFundMe-ում Շաքեյլայի նամակը: Երիտասարդ կինը գրել է, որ իր դուստր Ջեհայրայի մոտ աուտիզմ են ախտորոշել, եւ որ ինքը հիվանդության դեմ պայքարի համար միջոցներ է հավաքում ու կպատմի բուժման ընթացքի մասին:
Ոստիկանությունը պարզել է, որ հանցագործության նախօրեին Դենսոնը Nissan մակնիշի ավտոմեքենա է գողացել: Երկու ականատեսի ցուցմունքների համաձայն՝ Շաքեյլան մոտեցել է կամրջին, դուրս եկել մեքենայից եւ աղջկան քարշ տվել դեպի գետը: Երբ ջուրն արդեն երեխայի ուսերին է հասել, մայրը սկսել է խեղդել նրան: Ականատեսները չեն հասցրել արձագանքել, քանի որ անմիջապես չեն հասկացել, թե ինչ է կատարվում:
