News
Լրահոս
News
Երեքշաբթի
Մայիս 17
USD
454.99
EUR
474.78
RUB
7.21
Տեսնել լրահոսը

Դավիթ Տոնոյանը պաշտպանության նախարարն է եւ քաջ գիտակցում է, որ այսօր Մանվել Գրիգորյանի պես մարդիկ են պետք մեր սահմանին։ Այս մասին NEWS.am–ի հետ զրույցում ասաց ԵԿՄ վարչության նախկին նախագահ, կալանքի տակ գտնվող գեներալ Մանվել Գրիգորյանի կինը՝ Նազիկ Ամիրյանը՝ անդրադառնալով Դավիթ Տոնոյանի՝ Գրիգորյանի առողջական վիճակի վերաբերյալ վերջին հայտարարությանը։

«Դավիթ Տոնոյանը շատ լավ է ճանաչում Մանվել Գրիգորյանին, գիտի իր արժանիքները, դրա համար էլ այսօր նորմալ մարդը չի կարող չանհանգստանալ։  Դավիթ Տոնոյանը պաշտպանության նախարարն է եւ քաջ գիտակցում է, որ այսօր Մանվել Գրիգորյանի պես մարդիկ են պետք մեր սահմանին»,–ասաց Ամիրյանը։

Հարցին, թե այս ընթացքում Տոնոյանը երբեւէ տեսակցե՞լ է Գրիգորյանին, Ամիրյանը բացասական պատասխան տվեց։

Հիշեցնենք, որ վերջերս ՀՀ պաշտպանության նախարար Դավիթ Տոնոյանը լրագրողների հետ զրույցում հայտարարել էր, որ իրեն մտահոգում է գեներալ Մանվել Գրիգորյանի կարգավիճակը։

«Իմ զինակցի կարգավիճակի հետ կապված եմ մտահոգ։ Գեներալ Մանվել Գրիգորյանի այսօրվա կարգավիճակը շատ մտահոգիչ է ոչ միայն ինձ, այլեւ բոլոր երկրապահների համար»,–ասել էր նախարարը։

Ավելի վաղ հայտնել ենք, որ հունիսի 6–ին Մանվել Գրիգորյանը ծայրահեղ ծանր վիճակով «Դատապարտյալների հիվանդանոց» ՔԿՀ–ից տեղափոխվել էր «Սուրբ Գրիգոր Լուսավորիչ» ԲԿ, իսկ օրեր անց՝ «Նաիրի» ԲԿ։ Նրա նկատմամբ նշանակվել է համալիր դատաբժշկական փորձաքննություն։ Գրիգորյանի պաշտպաններն ահազանգում են, որ նրա վիճակը գնալով վատթարանում է։

Գեներալի եւ նրա կնոջ վերաբերյալ գործը ներկայումս քննվում է դատարանում։

Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու եւ շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Տպել
Կարդացեք նաև
Ամբողջը
«Տաշիր» առևտրի կենտրոնի մոտ «BMW 750»-ը բախվել է ծառին․ վարորդը տեղում մահացել է
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման...
Coca-Cola-ի նախկին քիմիկոսը 14 տարվա ազատազրկման է դատապարտվել առեւտրային գաղտնիքի գողության համար
Մեղադրող կողմը հայտարարել է, որ կինը հույս ուներ BPA չպարունակող ծածկույթների արտադրություն բացել Չինաստանում...
Նիգերիայում ուսանողուհին ծեծի ենթարկվել եւ այրվել համակուրսեցիների կողմից «սրբապիղծ» մեկնաբանությունների համար
«Նա իսլամի մարգարեի մասին սրբապիղծ մեկնաբանություններ պարունակող ձայնագրություն էր արել եւ տեղադրել խմբում...
Կանխվել է քաղաքացու ինքնասպանության փորձը Դավթաշենի կամրջից
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության ․․․
Մահվան ելքով ավտովթար՝ Աբովյան-Նոր Գեղի ավտոճանապարհին
ՀՀ քննչական կոմիտեի Կոտայքի մարզային քննչական վարչության Աբովյանի...
Գեներալ Օգանովսկուն մեղադրանք է առաջադրվել. խափանման միջոց է ընտրվել չհեռանալու ստորագրությունը
Սույն թվականի մայիսի 10-ին Ստեփանակերտի «Վերածննդի» հրապարակում տեղի ունեցած հրաձգության դեպքի առթիվ հարուցված քրեական գործով ԱՀ քննչական…
Ամենաշատ
Ֆոտոռեպորտաժներ