Եկեք պայմանավորվենք, որ կորոնավիրուսի հետ կապված ինֆորմացիայի աղբյուրը կառավարությունն է, քանի դեռ կառավարությունը չի ասել, որ այդպես է, ոչ մի ուրիշ լուրի մի հավատացեք: Այս մասին, այսօր՝ մարտի 12-ին, Վայորց Ձորի Զառիթափ համայնքում քարոզարշավի ժամանակ իր ելույթում նշեց ՀՀ վարչապետ Նիկոլ Փաշինյանը:
«Հիմա մենք կորոնավիրուսի առումով ամենավատ վիճակում գտնվող երկրներից չենք: Նաեւ հարցնում են՝ քարոզարշավը շարունակվելու է, թե ոչ: Մեզ համար չի կարող լինել որեւէ քաղաքական նպատակ ավելի բարձր, քան ՀՀ քաղաքացիների առողջությունը եւ անվտանգությունը: Եթե մենք զգանք, որ ինչ-որ բան այն չէ, չենք թողնի որ ուրիշ մեկը մեզնից առաջ որեւէ որոշում կայացնի, մենք այդ մասին կիրազեկենք»,-ասաց Փաշինյանը:
Նա հավելեց, որ լավ նորությունն այն է, որ մինչեւ հիմա եղած վիճակագրությամբ երեխաները որեւէ լուրջ ազդեցություն չեն կրում այդ վիրուսից: Վարչապետը կրկին նշեց, որ պետք է վստահել միայն կառավարության ներկայացրած տեղեկատվությանը. «Որովհետեւ գիտեք, մեկ էլ կսկսեն լեգենդներ հնարել, հեքիաթներ հնարել, արդեն հնարում են»:
Փաշինյանը կոչ արեց բնակիչներին հետեւել Առողջապահության նախարարության հրապարակած պլակատում նշված խորհուրդներին:
