Իսպանիայում իրավահավասարության հարցերով նախարար Իռեն Մոնտերոն կոչ է արել տարածաշրջանային իշխանություններին փակել հասարակաց տները կորոնավիրուսի նոր բռնկումը կանխարգելելու համար։
Նախարարությունը նամակ է ուղարկել՝ խնդրելով «շրջաններին ձեռնարկել հատուկ միջոցներ վայրերում, որտեղ տարածված է մարմնավաճառությունը, օրինակ, հասարակաց տներում»,-ասել է նա RNE ռադոիկայանին տված հարցազրույցում։
Նախարարության ներկայացուցչի խոսքով՝ հասարակաց տներն աշխատում են իրավական առումով թաքնված գոտում Իսպանիայում, ինչը բարդացնում է դրանց գործունեությունը կարգավորելու գործընթացը։
Մոնտերոն ասել է, որ գիշերային ակումբների նկատմամբ կիրառվող միեւնույն կանոնները պետք է տարածվեն հասարակական տների շրջանում, մինչդեռ նախարարությունն աշխատում է մարդկանց սեռական շահագործումից պաշտպանելու կարգավորումների շուրջ։
Գիշերային ակումբներն ու ոչ ֆորմալ երեկույթները կապված էին վարակի մի քանի կլաստերների հետ, երբ Իսպանիան դուրս էր եկել մեկուսացման խիստ ռեժիմից հունիսի վերջում։
Իրավահավասարության հարցերով նախարարության տվյալներով՝ առնվազն մեկ կլաստերը կապված է մարմնավաճառության հետ։