Որտե՞ղ եք տեսել երկրի ղեկավար, ո մի քանի հարյուր թիկնապահներով, զորքով  ու զրահով չկարողանա իր երկրում տեղաշարժվի։ Այս մասին այսօր՝ դեկտմեբերի 22-ին, «Հայրենիքի փրկության շարժման» կողմից հայտարարված գործադուլի եւ դասադուլի ժամանակ Հանրապետության հրապարակում հայտարարեց «Բարգավաճ Հայաստան» խմբակցության պատգամավոր Միքայել Մելքումյանը։ 

«Դավաճանություն կատարած մարդը, որը հանձնել է հայրենիքի մեկ երրորդից ավելին, ո՞նց է նա շնչում ընդհանրապես։  Ժողովուրդը ոտքի է կանգնել, դա արհեստական չի։ Ժողովուրդն իր զգայարաններով զգում է, որ տեղի է ունեցել այն՝ ինչ չպետք է տեղի ունենար։ ՀՀ-ն փորձում են ջնջել աշխարհի քաղաքական քարտեզի վրայից, մենք թույլ չենք տալու դա։  Ես չեմ զարմանա, եթե կարճ ժամանակ հետո իմանանք, որ մեր Հանրապետության գանձարանում մի լումա չկա, որեւէ մեկն այսօր չի իմանում, թե տնտեսությունն ու սոցիալական կյանքը գահավիժում է։ Արդյո՞ք մենք կարողանալու ենք մեկ-երկու ամիս հետո թոշակներ ու աշխատավարձերը տալ»,- ասաց Մելքումյանը։

Նա ժողովրդին կոչ արեց ոտքի կանգնել ու միանալ իրենց շարժմանը։