Գիտնականները կարծում են, որ մարդիկ կկարողանան սերունդ վերարտադրել Մարսի վրա: Նոր ուսումնասիրությունը ցույց է տվել, որ Կարմիր մոլորակում սերմնաբջիջները կարող են մինչեւ 200 տարի գոյատեւել, գրում է Americaru-ն:
Փորձագետները կարծում էին, որ տիեզերքում ճառագայթումը կվնասի մեր ԴՆԹ-ին` անհնարին դարձնելով երեխաների ծնունդը: Բայց դա փոխվեց ՄՏԿ-ի վրա մկների սերմնաբջիջների հայտնվելով, որը փորձարկվել է վեց տարի եւ մինչ այժմ կենսունակ է: Այսպիսով, գիտնականները պարզել են, որ մարդիկ կարող են բազմանալ Մարսի վրա, քանի որ այնտեղ սերմնաբջիջները կարող են մինչեւ 200 տարի պահվել:
Տիեզերական գաղութի ստեղծման հույսերը մի քայլով ավելի մոտ են, բայց դեռ հարցեր են մնում այն մասին, թե ինչպես կարող են մարդիկ սեքսով զբաղվել Կարմիր մոլորակի միկրոգրավիտացիայում: Ճապոնիայի Յամանասի համալսարանի թիմը փորձ է անցկացրել, որը հաստատել է, որ մարդու սերմը Մարսի վրա երկար ժամանակ կգոյատեւի:
Պրոֆեսոր Սայակա Վակայաման հայտարարել է, որ գենետիկորեն նորմալ շատ սերունդներ են ստացվել այն մկներից, որոնք երկար ժամանակ ՄՏԿ-ում են եղել: Սա նշանակում է, որ մարդիկ նույնպես կարող են առողջ երեխաներ ունենալ՝ նույնիսկ տիեզերքում գտնվելուց հետո: