նախընտրելի դարձնել
Մերձավոր Արևելքում իրավիճակը շարունակում է մնալ լարված և անկայուն։ Իրանում և ԱՄՆ-ի միջև Իսլամաբադում բանակցությունների մասին հաղորդագրությունները միայն երկխոսություն հաստատելու փորձերն են արտացոլում․ շփումները անկանոն բնույթ ունեն և մինչ այժմ արդյունք չեն տվել։
Միաժամանակ Իսրայելը, չնայած հայտարարված զինադադարին, շարունակում է հարվածներ հասցնել Լիբանանի տարածքին, ինչը վկայում է հրադադարի ռեժիմի փաստացի խախտման մասին։ Ընդհանուր առմամբ տարածաշրջանը շարունակում է գտնվել երկարատև էսկալացիայի վիճակում, և հետագա սրման ռիսկերն էլ պահպանվում են։
NEWS.am ներկայացնում է Մերձավոր Արևելքում ուրբաթ գիշերը տեղի ունեցած հիմնական իրադարձությունների կարճ ամփոփումը։
ԱՄՆ զինվորականները հարվածներ են հասցրել իրանական նավահանգստին Քեշմ կղզում և Բենդեր-Աբբաս քաղաքում, հաղորդել է Fox News հեռուստաալիքի լրագրող Ջենիֆեր Գրիֆինը՝ հղում անելով աղբյուրին։ ԱՄՆ-ի կողմից «Իրանի թիրախների դեմ Հորմուզի նեղուցի շրջանում» հարվածների մասին հայտնել է նաև Axios-ի թղթակից Բարակ Ռավիդը։
ԱՄՆ զինված ուժերը խախտել են զինադադարի պայմանները՝ մի քանի հարձակումներ իրականացնելով Իրանի հարավում, ուրբաթ գիշերը հայտնել են Իրանի ռազմական հրամանատարությունում։
ԱՄՆ նախագահ Դոնալդ Թրամփը հայտարարել է, որ Հորմուզի նեղուցում երեք ամերիկյան էսկադրային ականակիրներ անհաջող հարձակման են ենթարկվել Իրանի կողմից։
ԱՄՆ նախագահ Դոնալդ Թրամփը վստահեցրել է, որ հրադադարի ռեժիմը դեռ ուժի մեջ է՝ չնայած Իրանի հարվածների միջադեպին։
