Նախընտրելի
Իսրայելի վարչապետ Բենիամին Նեթանյահուն հայտարարել է, որ կարգադրել է հնարավորինս շուտ արտաքսել Գազայի հատված ուղևորվող նավատորմին մասնակցած ակտիվիստներին։
Նա ընդգծել է, որ Իսրայելն «ամբողջական իրավունք» ունի կանխելու նման նավերի ընթացքը, սակայն իր դաշնակցի՝ ազգային անվտանգության նախարար Իտամար Բեն-Գվիրի գործողությունները ձերբակալված ակտիվիստների նկատմամբ, ըստ նրա, «չեն համապատասխանում Իսրայելի արժեքներին և նորմերին»։
Prime Minister Benjamin Netanyahu:“Israel has every right to prevent provocative flotillas of Hamas terrorist supporters from entering our territorial waters and reaching Gaza.However, the way that Minister Ben Gvir dealt with the flotilla activists is not in line with…
— Prime Minister of Israel (@IsraeliPM) May 20, 2026
Նախորդ նավատորմերի միջազգային մասնակիցներն ավելի վաղ մեղադրել էին Իսրայելի իշխանություններին կալանքի տակ գտնվելու ընթացքում տարբեր ձևերի վատ վերաբերմունքի, ներառյալ՝ ֆիզիկական և հոգեբանական բռնության մեջ։
Ամսվա սկզբին ՄԱԿ-ի Մարդու իրավունքների գրասենյակը կոչ էր արել «լուրջ վատ վերաբերմունքի տագնապալի փաստերի» վերաբերյալ ստացված հաղորդումների հիման վրա հետաքննություն անցկացնել նավատորմի երկու մասնակիցների՝ Սաիֆ Աբու Քեշեկի և Տյագո Ավիլայի նկատմամբ, որոնք ավելի վաղ ձերբակալվել էին։
Adalah իրավապաշտպան կազմակերպությունը հայտարարել էր, որ իրենց տվյալներով՝ ձերբակալվածները ենթարկվել են ծանր ֆիզիկական բռնության, ինչը հավասարազոր է խոշտանգումների։
