Այսօր`օգոստոսի 10-ին, ավտովթար է տեղի ունեցել Վանաձորում: Ինչպես դեպքի վայրից հայտնում է  NEWS.am-ի Լոռիի թղթակիցը, Վանաձոր քաղաքի Թումանյան փողոցում ժամը 17:00 սահմաններում միմյանց են բախվել Միթսուբիշի մակնիշի  70 NN 101 համարանիշի  եւ Օպել մակնիշի 20 ՏՍ 170 համարանիշի մեքենաները:

Վթարի հետեւանքով Վանաձորի բժշկական կենտրոն է տեղափոխվել Միթսուբիշի մեքենայի վարորդ, Վանաձոր քաղաքի բնակիչ, 73-ամյա Ֆելիքս Առաքելյանը: Դեպքի վայր են ժամանել Լոռիի ճանապարհային ոստիկանները Մարտիկ Բալայանի եւ արեն Բոյաջյանի գլխավորությամբ:

Դեպքի վայր ժամանած Լոռիի ճանապարհային ոստիկանության հետաքննիչ Ստեփան Համբարյանի հանձնարարությամբ երկու մեքենաներն էլ տեղափոխվել են տուգանային հրապարակ:

Լուսանկարները` Էդվարդ Արզումանյանի