նախընտրելի դարձնելՈստիկանության Վանաձորի բաժնի կողմի ստուգումներ են իրականացվում քաղաքի մանկապարտեզների՝սննդի ձեռք բերման հետ կապված: NEWS.am-ի Լոռիի թղթակցի հետ զրույցում այս տեղեկությունը հաստատեց նաեւ Վանաձորի ոստիկանապետ Աշոտ Հայրապետյանը, նշելով, որ իրենց մոտ չարաշահումների վերաբերյալ հաղորդում ստացվել է օգոստոսի 11-ին:
Աշոտ Հայրապետյանը, ելնելով հետաքննության շահերից, չցանկացավ որեւէ բան հայտնել, միայն նշեց, որ հետաքննություն է ընթանում, որից հետո ամեն ինչ կպարզվի:
NEWS.am-ը փորձեց պարզաբանումներ ստանալ նաեւ Վանաձորի քաղաքապետարանի կրթության, մշակույթի եւ սպորտի բաժնի պետ Գագիկ Աղաբաբյանից, սակայն վերջինս տեղեկացրեց, որ արձակուրդում է եւ որեւէ բանից տեղյակ չի:
Նշենք, որ շաբաթներ առաջ կայքերից մեկոմ հրապարակումներ եղան Վանաձորի մանկապարտեզների հացի ձեռք բերման վերաբերյալ, ըստ որի մանկապարտեզներից ամեն մեկը հացը ձեռք է բերում տարբեր գնով: Հավանաբար հենց այդ հրապարակումներն էլ հիմք են հանդիսացել ոստիկանության կողմից ստուգումներ իրականացնելուն:
