1988 թ. երկրաշարժի հետեւանքների վերացման համար ստացված մարդասիրական օգնության դեղերի խմբաքանակների մնացորդները պետք է վերացվեն: ՀՀ կառավարությունն այսօր՝ դեկտեմբերի 13-ին որոշում ընդունեց 18 մլն դրամ հատկացնել առողջապահության նախարարությանը, որն էլ իր հերթին այն պետք է նվիրաբերի «Մարդասիրական օգնության հանրապետական կենտրոն» ՊՈԱԿ-ին;

Ժամկետանց դեղերը պահպանվում են այդ կազմակերպության պահեստային տարածքում  եւ դրա հարակից հողամասում տեղակայված երկաթե կոնտեյներներում: Ընդհանուր ծավալը կազմում է մոտ 300խմ: Դեղերն  ունեն տարբեր քիմիական բաղադրության, ֆիզիկական վիճակ, դեղաձեւ, դեղաչափ, փաթեթավորում եւ այլն, սակայն պահվում են նույն պայմաններում: Տարիներ շարունակ ենթարկվել են եղանակային տարբեր ազդեցությունների (արեւ, անձրեւ, ցուրտ, շոգ եւ այլն), իսկ մի մասն էլ գտնվում է ընդհանուր օգտագործման տարածքներում` աշխատակիցների հավանական շփման հնարավորությամբ:

Այդ պայմաններում դեղերի հետագա պահպանումը համարվել է վտանգավոր մարդկանց եւ շրջակա միջավայրի համար: