նախընտրելի դարձնելՈրպես Էպոսագետ ներկայացող՝ ՀՀ նախագահի թեկնածու Վարդան Սեդրակյանն առաջին անգամ չի մասնակցում ընտրություններին. Նա 2007թ. խորհրդարանական ընտրություններում պատգամավորի թեկնածու է առաջադրվել Եղվարդ եւ Չարենցավան քաղաքները, հարակից գյուղերը ընդգրկող թիվ 26 ընտրատարածքում, որտեղ երեք թեկնածուների մեջ զբաղեցրել է երրորդ պատվավոր տեղը: Այդ մասին գրում է «168 ժամ» թերթը։
«Նրան ձայն են տվել միայն այն բանի համար, որ այդ ընտրություններում եղվարդցիների եւ չարենցավանցիների միջեւ տեղային հակամարտություն կար, եւ Սեդրակյանը լինելով եղվարդցի, ստացել է իր համերկրացիների մի մասի քվեները:
Բայց հիմա նրա հայրենակիցներին այլ հարց է հետաքրքրում: Նրանք հիշում են, որ 2007թ. խորհրդարանական ընտրությունների ժամանակ նա նույնիսկ չափազանց համեստ բուկլետ տպագրելու գումար չուներ, եւ դրա համար դիմում էր ծանոթների օգնությանը: Իսկ հիմա ոչ միայն միաժամանակ երկու թանկարժեք մեքենա է ձեռք բերել, այլեւ, որ եղվարդցիների համար ամենատարօրինակն է, միաժամանակ երեք առանձատուն է կառուցում: Սեդրակյանը եղվարդցիներին բացատրում է, որ մեկը կառուցում է՝ իր, մյուսը` երկու որդիներից յուրաքանչյուրի համար:
Եղվարդցիներին հետաքրքրում է, թե որտեղից եւ ինչպես այդպես միանգամից եւ հանկարծակի հարստացավ Վարդան Սեդրակյանը: Այդ հարցը հետաքրքիր է ոչ միայն եղվարդցիներին:
Վարդան Սեդրակյանը, ով հավակնում է դառնալ Հայաստանի նախագահ, ոչ մի բանական բացատրություն չի կարողանում տալ իր ունեցվածքի ծագման աղբյուրների վերաբերյալ: Սա ոչ միայն կենցաղային հետաքրքրասիրության, այլ նաեւ ազգային անվտանգության խնդիր է: Ինֆորմացիայի պակասը մարդիկ շատ հաճախ լրացնում են ենթադրություններով, եւ ըստ դրանց՝ Սեդրակյանի ֆինանսներն ունեն իրանական ծագում:
Սա, կրկնում ենք, միայն ենթադրություն է: Բայց այն, որ իրանցիները կցանկանան ինչ-որ կերպ մասնակցել հարեւան Հայաստանի ներքաղաքական զարգացումներին եւ նույնիսկ սեփական թեկնածուով մասնակցել ընտրություններին, չափազանց հետաքրքրական կարող է լինել»,- գրում է «168 ժամը»:
