Հայկական նռան գինին մեծ պահանջարկ է վայելում Լիբանանի մայրաքաղաք Բեյրութի հայկական Բուրջ Համուդ արվարձանում եւ նրա սահմաններից դուրս: Հայկական գինու նկատմամբ հետաքրքրությունն աճել է անցած տարի Բեյրութում կայացած խորհարարական փառատոնում ներկայացվելուց հետո, գրում է լիբանանյան  «The Daily Star» պարբերականը:

Հայաստանն աշխարհի հնագույն գինեգործական երկրներից է, սակայն նուռը հատուկ նշանակություն ունի մշակույթի մեջ: «Նուռը խորհրդանշում է  ընտանիքը, համերաշխությունը, հանրությանը, որը միավորում է, իսկ գույնը երջանկություն է խորհրդանշում»,-ասել է հայ համայնքի ներկայացուցիչ, «Պատկեր» կենտրոնի հիմնադիր  Արփի Մանգասարյանը, որը խոհարարական փառատոնում ներկայացնում է հայկական գինին:

Այդ տտիպ, կիսաքաղցր գինին, որը զարմանալի եւ հրաշալի է, ժողովրդականություն է վայելում:

«Կսարա» ընկերության արտահանման մենեջեր եւ էթնոլոգ Էլա Մաամարիի խոսքով` նռան գինին միջազգային շուկայում վերածնունդ է ապրում: ԱՄՆ-ում նռան գինու պահանջարկն աճում է:  Նռան գինու մեջ, ենթադրվում է, նույնքան անտիօքսիդանտներ կան, որքան խաղողի կարմիր գինու մեջ: