նախընտրելի դարձնել
Տեւական ժամանակ է, ինչ Բագրատյանի շուրջ հավաքվելու, նրան սատարելու բանակցություններ են ընթանում մի քանի մակարդակներում: Այս պահի համար ֆիքսենք. նրա շուրջ կարող են համախմբվել դեռեւս ՀԱԿ-ից դուրս չեկած ուժերը: Այդ մասին գրում է «Իրատես de facto» թերթը։
«Սոս Գիմիշյանը, Պետրոս Մակեյանը, հարցականներ կան Նիկոլ Փաշինյանի մասով, վերջինս ասել է` անձնական օժանդակություն Բագրատյանի ընտրվելուն կունենամ, քաղաքական` դժվար (բայց եթե Բագրատյանին հաջողվի ընդդիմադիր կենտրոնի վերածվել, ապա նրա «շուրջը» նույնպես կփոփոխվի): Չի բացառվում, որ նրան կսատարեն նաեւ ՀԱԿ-ից դուրս եկածներից Արամ Զ. Սարգսյանը, Միքայել Հայրապետյանը, Սուրեն Սուրենյանցը:
Ընդ որում, Բագրատյանի շուրջը հավաքվող ուժերից ամենահետաքրքիրը, թերեւս, «Ժառանգության» հետ խորհրդարան մտած «Ազատ դեմոկրատներն» է, ուր, բացի Խաչիկ Քոքոբելյանից, ով համարվում է «գորշ կարդինալ» ամերիկյան հարաբերությունների գծով, այլեւ նույն Չուբայսի, ՌԴ ԱԳ նախարար Ս. Լավրովի (հիշենք, որ Լավրովը նույնպես աշխատել է Վաշինգտոնում` ՄԱԿ-ում) հետ որոշակի կապեր ունեցող, ՄԱԿ-ում աշխատած ՀՀ նախկին ԱԳ նախարար Ալեքսանդր Արզումանյանն է, ով նույնպես գաղափարական հենքով առաջնորդվող գործիչ է:
Ու եթե հիշենք նաեւ, որ ժամանակին ամենախարիզմատիկ «ժելեզնայա լեդին»` ԱՄՆ-ի դեսպան տիկին Յովանովիչը ցանկանում էր աջ ուժերի հանգույց ստեղծել մեզանում` նախկին երեք արտգործնախարարներից` Րաֆֆի Հովհաննիսյանից, Օսկանյանից, Արզումանյանից (Քոչարյանը, յանկիներին չսիրելու ու մնացյալ պատճառներով չթողեց, որ Օսկանյանը մասնակցի այդ պրոյեկտին), ապա այս փուլում բավականին հետաքրքիր իմաստ է ստանում արդեն Բագրատյան-պրոյեկտը»,- գրում է «Իրատես de facto»-ն:
