Դավիթ Անհաղթի եւ Կ. Ուլնեցու փողոցների խաչմերուկում հունվարի 11-ին, ժամը 04.15-ին վթարի ենթարկված «Շանթ» հեռուստաընկերության դերասանը` 23-ամյա Անդրանիկ Անտոնյանը դուրս է գրվել Քանաքեռ-Զեյթուն բժշկական կենտրոնից: Այս մասին NEWS.am-ի թղթակցին հայտնեցին հիվանդանոցից:

Նրանց փոխանցմամբ` վթարից հետո դերասանը դիմել էր հիվանդանոց, ստացել էր վնասվածքներ եւ քերծվածքներ դեմքի շրջանում: Անդրանիկ Անոտյանը չի հոսպիտալացվել, այլ ստանալով ամբուլատոր բուժօգնություն, հեռացել է:

Ավելի վաղ NEWS.am-ը հայտնել էր, որ  հունվարի 11-ին, ժամը 04.15-ին, Դավիթ Անհաղթի եւ Կ. Ուլնեցու փողոցների խաչմերուկում իրար են բախվել  «ՎԱԶ-2107»  մակնիշի երկու  ավտոմեքենա: Պատահարի հետեւանքով մեկ ուղեւոր մարմնական վնասվածքներով տեղափոխվել է հիվանդանոց:Դեպքից հետո վարորդներից մեկը թողնելով ճանապարհատրանսպորտային պատահարի վայրը`  հեռացել է: Կատարվում է քննություն: Մեր տեղեկություններով` վթարի հետեւանքով մարմնական վնասվածքներով Քանաքեռ-Զեյթուն բժշկական կենտրոն տեղափոխվածը  23-ամյա Անդրանիկ Անտոնյանն է: Նա աշխատում է «Շանթ» հեռուստաընկերությունում, նկարահանվում է «Քաղաքում» սերիալում, բժիշկ Ծյապիկի դերակատարն է: