«Ժամանակ». Դավիթ Հարությունյանին ԱԺ նախագահի պաշտոնը չի հետաքրքրում

«Ժամանակ» թերթը զրուցել է  ՀՀ արդարադատության նախկին նախարար, ԱԺ պետաիրավական հարցերի հանձնաժողովի նախագահ Դավիթ Հարությունյանի հետ։

- Պարոն Հարությունյան, խոսք է գնում այն մասին, որ ՀՀ նախագահի ընտրություններից հետո հնարավոր է ԱԺ նախագահի փոփոխություն լինի եւ հավանական թեկնածուների շարքում շրջանառվում է Ձեր անունը։ Դուք պատրա՞ստ եք այդ բեռը վերցնել Ձեր ուսերին։

-  Ոչ, պատրաստ չեմ։

- Ինչո՞ւ։

- Ես ասել եմ, ինձ չի հետաքրքրում այդ պաշտոնը։

- Իսկ եթե կուսակցությունը Ձեզ այնուամենայնիվ հորդորի կամ Սերժ Սարգսյանն առաջարկի։

- Դե, երբ կհորդորի, այն ժամանակ կխոսենք։

- Կարելի՞ է կարծել խուսփում եք պատասխնատվությունից, թե՞ միգուցե մտածում եք՝ ԱԺ օլիգարխների հետ չեք կարողանա լեզու գտնեք։

- Ես արդեն պատասխանեցի այդ հարցին։ Փնտրել էստեղ այլ երանգ չարժե։

- Իսկ Դուք ո՞ւմ եք տեսնում ԱԺ հաջորդ նախագահի պաշտոնում ընտրություններից հետո։

- Ես, ճիշտն ասած, դեռեւս տեսնում եմ Հովիկ Աբրահամյանին... Նախագահական  ընտրություններից հետո ԱԺ նախագահի փոփոխություններ չեն լինի, համենայնդեպս ես հիմքեր չեմ տեսնում... »,- մեջբերում է «Ժամանակը»։