Նախագահական նստավայրի դիմաց այսօր` դեկտեմբերի 4-ին  Նախշուն Ենգիբարյանը փորձել է ինքնահրկիզվել:  Այս մասին NEWS.am-ին պատմեցին ականատեսները:  Սակայն տարածքի վերահսկողությունն իրականացնող ոստիկանները նկատել  եւ նրա ձեռքից վերցրել են բենզինով  լի շիշը, որը ցանկացել է լցնել իր վրա եւ ինքնահրկիզվել:

Ականատեսները պատմեցին, որ նա դժգոհել է իր որդու  դեմ իրականացվող անարդարությունից: Մայրը պատճառաբանել է, թե որդուն արդեն 2 տարի է՝ անմեղ տեղը կալանքի տակ են վերցրել: Ոստիկանները նրա համար շտապօգնություն են կանչել եւ ճանապարհել: