Ոստիկանության Երեւան քաղաքի վարչության օպերատիվ կառավարման կենտրոնից  ոստիկանության Մալաթիայի բաժնում դեկտեմբերի 5-ին, ժամը 20.15-ին, հաղորդում է ստացվել, որ իրենց է զանգահարել անհայտ քաղաքացի եւ հայտնել, որ «Հրազդան» մարզադաշտի մոտ մի խումբ տղաներ ծեծում են ավտոբուսի վարորդին եւ իրեն:

Ոստիկանության լրատվության վարչությունից հայտնում են, թե Երեւան քաղաքի վարչության ՊՊԾ գնդի 4-րդ վաշտի ծառայողները նշված վայրից բերման են ենթարկել 1996 թ. ծնված Արամ Ս.-ին, 1996 թ. ծնված Ռոբերտ Մ.-ին  եւ 1996 թ. ծնված Մերուժան Մ.-ին:

Պարզվել է, որ նույն օրը, ժամը 20.00-ին, Բրազիլիայի հրապարակում` թիվ 27 երթուղու «Հոնդայի»  մակնիշի ավտոբուսի սրահում, վերջիններս աղմկել են, խախտել հասարակական կարգը եւ իրենց կարգի հրավիրած վարորդին` 1973 թ. ծնված Նվեր Մ.-ին  եւ նրա կնոջը` 1975 թ. ծնված  Ծովինար Մ.-ին, քաշքշել են, հայհոյել, հարվածներ հասցրել կնոջ մարմնի տարբեր մասերին եւ պատճառել ֆիզիկական ցավ, այնուհետեւ հարվածներ են հասցրել ավտոբուսի աջ կողային հատվածին` պատճառելով գույքային վնաս:

Կատարվում է նախաքննություն: