նախընտրելի դարձնել
Հայաստանի վարչապետը ԱԺ-ում հայտարարել է, թե խոստացված տնտեսական աճը չի ստացվում, քանի որ համաշխարհային տնտեսության աճը դանդաղել է, այնինչ իրականությունը բոլորովին այլ է:
Այս մասին Facebook-ի իր էջում գրել է Հայաստանի նախկին վարչապետ, ՀԱԿ խմբակցության պատգամավոր Հրանտ Բագրատյանը:
Նա մասնավորապես, գրել է. «Երկու օր առաջ հայտնի դարձավ, որ ԱՄՆ տնտեսությունն այս տարվա 3-րդ եռամսյակում աճել է 3.6 տոկոսով. սա եռամսյակային աճի ռեկորդներից մեկն է վերջին 9 տարիների համար։ Չինաստանի տարեկան տնտեսական աճն էլ ճշտվել է. 7.8 տոկոս։ Մինչդեռ ՀՀ 2014թ բյուջեն ներկայացնելիս վարչապետն ԱԺ-ում հայտարարեց, որ ՀՀ խոստացված տնտեսական աճը չի ստացվում, քանի որ համաշխարհային տնտեսության աճը դանդաղել է։ Պարզապես ստում էր։
Կիեւում շատ, շաաաաատ մարդիկ հավաքվել են Մայդանում եւ փոփոխություններ են ուզում։ Նրանք էլեկտրաէներգիայի համար վճարում են 13.7 դրամ (Հայաստանում՝ 37), գազի համար այստեղ վճարում են 35.5 հազար դրամ (Հայաստանում 158000 դրամ), իսկ եթե շատ-շատ ես վառել (տես նախորդ գրառումս)՝ ընդամենը 53.7 հազար դրամ։ Հայաստանում մենք գազի համար վճարում ենք 158000 կամ 391 դոլար, եթե դարձնում ենք եվրոպական կալորիականության՝ 496 դոլար, իսկ եթե նկատի ունենանք, որ ըստ էներգետիկայի նախարարի այդ ամենը վճարելուց հետո էլ 90 դոլար պարտք ենք մնում ՌԴ-անը՝ 586 դոլար։ Մինչդեռ իբր թե մենք գազը 2.3 անգամ ավելի էժան ենք ստանում։ Ի՞նչ կլիներ, եթե այս ամենը Մայդանի ժողովուրդն իմանար»:
