Հայտնի է, որ սեւ միսը մեծացնում է քաղցկեղի վտանգը: Սակայն դիմացկուն օսլան օգնում է պաշտպանել օրգանիզմը` բարձրացնելով  այն միացության մակարդակը, որը  նվազեցնում է վտանգավոր որոշ գենետիկ փոփոխություններ:

Ֆլինդերսի համալսարանի կլինիկական ոչ մեծ փորձը (23 առողջ կամավոր) ցույց է տվել. չորս շաբաթվա ընթացքում միս ակտիվ օգտագործելու դեպքում բարձրացել է գեների ակտիվությունը ճնշելու ունակ մոլեկուլների քանակը: Խոսքը miR17-92-ի եւ miR21-ի մասին է: Դրանք կապված են  քաղցկեղածին  բջիջների գոյատեւման եւ աճի հետ, փոխանցում է Meddaily-ն:

Մսային սննդակարգի չորս շաբաթվանից հետո կամավորներին  մեկ ամիս եւս մսով են կերակրել, սակայն  տվել են նաեւ օսլա (պարունակվոմ է սառը կարտոֆիլում եւ բանանում): Դա թույլ է տվել նվազեցնել miR17-92-ի քանակությունը: Իսկ ահա  miR21 –ի վրա օսլան ոչ մի կերպ չի ազդել:

Հավանաբար, միսը բարձրացնում է քաղցկեղի վտանգը` գրոհելով միանգամից մի քանի ճակատներով:  Չի բացառվում, որ օսլան կարող է հաղթահարել միսն օգտագործելիս  առաջացող  կործանարար մի շարք մեխանիզմներ: