նախընտրելի դարձնելՃապոնիայի էկոնոմիկայի, առեւտրի եւ արդյունաբերության նորանշանակ նախարարը Եիտի Միյաձավան նոր սկանդալի մեջ է հայտնվել, որը նրա պաշտոնանկության պատճառ կարող է դառնալ:
ՏԱՍՍ-ը հայտնում է, որ նախարարի գլխավորած իշխող կուսակցության ճյուղը քաղաքական նվիրատվություններ է ստացել ընկերությունից, որի բաժնետերը արտասահմանցի քաղաքացի է: Ճապոնիայում դա արգելված է օրենքով:
Աղբյուրը նշում է, որ էկոնոմիակայի նախարարը հայտարարել է, թե իր աշխատակիցները չեն իմացել այդ մասին, եւ ստուգումից հետո 400 հազար իեն (շուրջ 3,7 հազար դոլար) գումարը ետ է վերադարձվել:
Անցյալ շաբաթ ճապոնական մամուլը հայտնել էր, որ նախարարի հիմնադրամներից մեկի աշխատակիցները բյուջետային փողերը ծախսել են սեքս-բար գնալու վրա: Նախարարը պնդել էր, որ ինքը երբեք չի հաճախել նման հաստատություններ:
