Տաջիկստանի վարչապետ Կոխիր Ռասուլզոդան առաջարկել է  դպրոցների համար կաշառակերության դեմ պայքարի մասին ուսումնական ծրագիր մշակել։ Այս մասին գրում է «Ինտերֆաքս»-ը՝ վկայակոչելով Տաջիկստանի կառավարության մամուլի ծառայությունը։

Վարչապետը նման նախաձեռնության հանդես է եկել երկրի Կրթության նախարարությունում անցկացրած խորհրդակցության ժամանակ։

Ռասուլզոդովը կարծում է, որ կաշառակերության եմ պայքարին նվիրված առանձին ուսումնական մոդուլը կօգնի անչափահասների շրջանում կանխել հանցագործությունները։

Այս պահին առաջարկը  գտնվում է ուսումնասիրության փուլում եւ բազմակողմանի վերլուծություններից հետո կընդգրկվի դպրոցական ծրագրում։