նախընտրելի դարձնելԲրիտանական Sodastream ընկերությունն անսովոր ակցիա է կազմակերպել քաղցր գազավորված ըմպելիքների դեմ ընկերության պայքարի շրջանակում: Լոնդոնի կենտրոնում` Վեսմինստերյան պալատի դիմաց երեք արձան է հայտնվել, որոնք ամբողջությամբ շաքարից են որպես հիշեցում այն մասին, թե շաքարի ինչ սարսափեցնող քանակություն է պարունակվում գազավորված ըմպելիքում:
Քանդակներն իրենցից ներկայացնում են աղջկա, անչափահաս տղայի եւ հասուն տղամարդու կերպարներ, իսկ դրանց ստեղծման վրա ծախսված շաքարի քանակն արտացոլում է մեկ րոպեի ընթացքում տվյալ տարիքային խմբերի կողմից շաքարի սպառման գումարային ծավալը: Այսպես, աղջկա քանդակը 44,5 կգ է, պատանունը` 158 կգ, տղամարդունը` 385 կգ: Արձաննները երեւում են խորհրդարանի շենքից, տեղեկացնում է Kedem-ը:
