Իսխան Կարապետյանը պատրաստված եւ պրոֆեսիոնալ մասնագետ է,  քաջատեղյակ է ոլորտին: Այս մասին, այսօր՝ նոյեմբերի 11-ին, ՀՀ ԳՆ սննդամթերքի անվտանգության պետական ծառայությունում նշել է ՀՀ գյուղատնտեսության նախարար Իգնատի Առաքելյանը՝ ներկայացնելով նորանշանակ ղեկավար Իշխան Կարապետյանին:

Իգնատի Առաքելյանը նախ շնորհակալություն է հայտնել Արմեն Հայրապետյանին իրականացրած մեծածավալ աշխատանքի համար` տեղեկացնելով, որ նա շարունակելու է իր գործունեությունը պետական կառավարման համակարգում` արդեն որպես գյուղատնտեսության նախարարի խորհրդական: 

Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով

«Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով

Շնորհավորելով  Իշխան Կարապետյանին  ՍԱՊԾ պետի պաշտոնում նշանակվելու առթիվ` նախարարը նշել է, որ  նա պատրաստված եւ պրոֆեսիոնալ մասնագետ է,  քաջատեղյակ է ոլորտին եւ մաղթել հաջողություններ ու արդյունավետ աշխատանք:

«Այսօր ունենք խնդիրներ անասնաբուժության, բուսասանիտարիայի ոլորտում, նաեւ պետք է ապահովել առավելագույնս խիստ վերահսկողություն սննդամթերքի անվտանգության ապահովման հարցում:  Ձեր ամենօրյա աշխատանքը մշտապես հանրության ուշադրության եւ քննադատության առանցքում է,  եւ  ես լիահույս եմ, որ  նոր ղեկավարի հետ համատեղ, կշարունակեք ստեղծված հիմքերի վրա  բարելավել եւ զարգացնել  Ծառայության աշխատանքների որակը` հասնելով  առավել տպավորիչ արդյունքների եւ նոր հաջողությունների»,- իր խոսքում մասնավորապես նշել է նախարար Առաքելյանը: 

ՍԱՊԾ նորանշանակ ղեկավար Իշխան Կարապետյանն իր խոսքում  շնորհակալություն է հայտնել հանրապետության վարչապետին եւ նախարարին վստահության համար` հավաստիացնելով, որ  ողջ թիմը կներդնի առավելագույն ջանքեր` առկա խնդիրների արդյունավետ լուծման եւ համակարգի հետագա զարգացման ու կատարելագործման համար:

Արմեն Հայրապետյանն իր հերթին շնորհակալություն է հայտնել  աշխատակազմին երկու տարվա համատեղ աշխատանքի համար եւ հաջողություն մաղթել Ծառայության նորանշանակ պետին: